الخصوصية
خصوصيتك تهمنا. هنا نوضح ببساطة وش يحفظ Tik4U ووين.
اللي ينحفظ على جهازك بس
- يوزر تيك توك حقك، وإعداداتك: الأليرتات، والمجموعات، والتصنيف، والبوت، والموسيقى.
- أرقام البث، وسجل البث، وتصنيف الداعمين.
- الفيديوهات والأصوات اللي ترفعها في مكتبة الأليرتات.
- تسجيل دخول حساب البوت في تيك توك، إذا ربطته. يبقى داخل البرنامج على جهازك وما ينرسل لأحد.
اللي ينحفظ في حسابك على موقع Tik4U
- اسمك وإيميلك، ومدة اشتراكك.
- يوزر تيك توك وصورتك، عشان يرتبط اشتراكك بحسابك.
- نشاط عام (مثل "فلان دعم بهدية") يطلع في "نشاط المنصة"، بدون أي معلومات خاصة.
بلاغات المشاكل
لما يصير خطأ في البرنامج، أو ترسل بلاغ بنفسك، توصل لصاحب البرنامج رسالة فيها وصف الخطأ واسم الصفحة ويوزرك. هذا بس عشان نصلح المشكلة بسرعة.
اللي ما نسويه أبداً
- ما نبيع بياناتك، ولا نعطيها لأي أحد.
- ما نقرأ رسائلك الخاصة في تيك توك.
- ما نطلب باسورد تيك توك حقك.
تبي تحذف بياناتك؟
تواصل معنا ونحذف حسابك وكل اللي يخصه من الموقع. وبيانات جهازك تنحذف لما تحذف البرنامج ومجلد بياناته.
التواصل: tik4u.support@gmail.com · الخصوصية · الشروط